Sección: Bolsas

UNIVERSIDADE DE VIGO

EXTRACTO da Resolución do 2 de xullo de 2025 pola que se convocan bolsas de formación en unidades e áreas dirixidas ao estudantado da Universidade de Vigo para o curso 2025/26.

Persoas beneficiarias

Estudantado que está matriculado en centros propios no curso 2025/26 e durante todo o período de duración da bolsa, nas titulacións oficiais de grao ou máster universitario sinaladas no anexo II, no campus en que se opta á bolsa.

Prazo de presentación de solicitudes

Desde o 3 ata o 31 de xullo de 2025.

https://www.xunta.gal/dog/Publicados/2025/20250709/AnuncioU500-030725-0003_gl.pdf

CONSELLERÍA DE CULTURA, LINGUA E XUVENTUDE

RESOLUCIÓN do 5 de xuño de 2025 pola que se procede á convocatoria de prazas e bolsas nas residencias xuvenís dependentes desta consellería (códigos do procedemento BS303B, BS303C e BS303D)

As modalidades de adxudicación de prazas establecidas nesta resolución regularanse a través dos seguintes procedementos:

a) BS303B: prazas en residencias xuvenís para estudantes.

b) BS303C: prazas en residencias xuvenís para persoas estudantes colaboradoras bolseiras.

c) BS303D: prazas en residencias xuvenís para persoas traballadoras.

O período máximo de estadía na residencia xuvenil de todas as persoas residentes será de 11 meses e estará comprendido no período establecido para cada curso académico, exceptuándose os períodos de vacacións de Nadal e Semana Santa. En todo caso, as persoas residentes deberán abandonar as residencias, como prazo máximo, o 31 de xullo do curso académico.

O prazo de presentación de solicitudes será dun mes contado a partir do día seguinte ao da publicación desta convocatoria no Diario Oficial de Galicia.

https://www.xunta.gal/dog/Publicados/2025/20250623/AnuncioG0766-090625-0001_gl.pdf

CONSELLERÍA DE EDUCACIÓN, CIENCIA, UNIVERSIDADES E FORMACIÓN PROFESIONAL

ORDE do 27 de maio de 2025 pola que se convocan prazas de residencia para persoas colaboradoras bolseiras nos centros residenciais docentes da Coruña, Ourense e Vigo para o curso académico 2025/26 (código de procedemento ED308A).

O número de prazas ofertadas é o seguinte:

Centro Residencial Docente da Coruña: 18 prazas

Centro Residencial Docente de Ourense: 6 prazas.

Centro Residencial Docente de Vigo: 6 prazas.

As persoas adxudicatarias de prazas de colaboradora bolseira utilizarán os servizos da residencia de forma gratuíta, durante o período de funcionamento en que estean abertas as residencias

O prazo de presentación de solicitudes en período ordinario será desde o día seguinte ao da publicación desta convocatoria ata o 8 de agosto de 2025.

https://www.xunta.gal/dog/Publicados/2025/20250620/AnuncioG0761-050625-0004_gl.pdf

CONSELLERÍA DE EDUCACIÓN, CIENCIA, UNIVERSIDADES E FORMACIÓN PROFESIONAL

ORDE do 27 de maio de 2025 pola que se convocan prazas de residencia nos centros residenciais docentes da Coruña, Ourense e Vigo para realizar estudos postobrigatorios non universitarios no curso 2025/26 (código de procedemento ED306A).

A persoa solicitante deberá reunir os seguintes requisitos:

1. Estar empadroada ela e os demais membros computables da unidade familiar á que pertenza nun municipio da Comunidade Autónoma de Galicia; este requisito entenderase referido exclusivamente á persoa solicitante cando acredite vida independente nos termos previsto no artigo 9.2 desta orde.

2. Non ter sido expulsada no curso anterior dun centro residencial docente nin estar sometida a un procedemento disciplinario en trámite por infracción das normas de réxime interno e de convivencia do centro residencial docente.

3. Estar matriculada en estudos postobrigatorios non universitarios nalgún dos centros docentes indicados no artigo 1 desta orde no curso 2025/26.

4. Non repetir curso nin ter abandonado o curso iniciado. Non obstante, o alumnado que non progresou ao curso seguinte ou abandonou o curso iniciado poderá presentar solicitude de praza de residencia unha única vez máis para cursar un estudo distinto

Lugar de residencia da unidade familiar e accesibilidade aos estudos

1. A persoa solicitante deberá estar matriculada nunha concreta modalidade dun nivel educativo ou nunha familia profesional ou especialidade dun ciclo formativo, que:

a) Non se imparta en ningún centro sostido con fondos públicos da localidade galega de residencia habitual da unidade familiar a que pertenza.

b) E tampouco se imparta nunha localidade que, pola súa proximidade á de residencia habitual ou polos medios de comunicación dispoñibles, permita o desprazamento diario con facilidade.

2. Excepcionalmente, por circunstancias persoais ou familiares moi graves debidamente xustificadas, a Comisión de Valoración poderá eximir de forma motivada do cumprimento destes requisitos, en vista da proposta que efectúe o centro residencial e dos informes que se consideren oportunos.

Prazo de presentación de solicitudes en período ordinario:

a) Para o alumnado matriculado en bacharelato, entre o día seguinte ao da publicación desta convocatoria e o 18 de xullo de 2025 (este incluído).

b) Para o alumnado matriculado en ciclos formativos, entre o día seguinte ao da publicación desta convocatoria e o 4 de agosto de 2025 (este incluído).

Prazo de presentación de solicitudes en período extraordinario entre o 1 e o 5 de setembro de 2025, ambos incluídos.

https://www.xunta.gal/dog/Publicados/2025/20250620/AnuncioG0761-050625-0002_gl.pdf

AXENCIA DE TURISMO DE GALICIA

RESOLUCIÓN do 3 de xuño de 2025 pola que se establecen as bases reguladoras para a concesión, en réxime de concorrencia competitiva, de bolsas para a realización de estudos no Centro Superior de Hostalaría de Galicia, e se procede á súa convocatoria para o curso 2025/26 (códigos de procedemento TU200A e TU200C).

Conforme as titulacións que se imparten no CSHG, a través da presente convocatoria outorgaranse as seguintes bolsas para o curso 2025/26:

– Bolsas ordinarias tipo I:

• 10 bolsas para o grao en Xestión de Empresas Hostaleiras.

• 1 bolsa para o curso superior de Chef de Cociña e Pastelaría.

– Bolsas ordinarias tipo II:

• 15 bolsas para o grao en Xestión de Empresas Hostaleiras.

• 3 bolsas para o curso superior de Chef de Cociña e Pastelaría.

– Bolsas excelencia académica (tipo I):

• 6 bolsas para o grao en Xestión de Empresas Hostaleiras.

• 2 bolsas para o curso superior de Chef de Cociña e Pastelaría.

Poderá solicitar estas bolsas o alumnado do CSHG que reúna os requisitos académicos, económicos e os requisitos para as persoas residentes no exterior que establece esta resolución.

O prazo de presentación de solicitudes será dun mes contado a partir do día seguinte ao da publicación desta resolución no Diario Oficial de Galicia. Entenderase como último día do prazo o correspondente ao mesmo ordinal do día da publicación.

https://www.xunta.gal/dog/Publicados/2025/20250618/AnuncioG0256-060625-0002_gl.pdf

O Ministerio da Presidencia, Xustiza e Relacións coas Cortes, a través do Plan Estratéxico de Subvencións 2024-2026, inclúe unha liña de bolsas para garantir a igualdade de oportunidades no acceso aos altos corpos de funcionarios da Administración de Xustiza.

A través destas bolsas, o Ministerio pretende eliminar as barreiras socioeconómicas que limiten o acceso a estes Corpos e afectan os principios de igualdade, mérito e capacidade.

12.000 € ao ano, durante ata 4 anos, para que te centres na túa preparación.

Presentación de solicitudes: Só se admitirán aquelas solicitudes que se presenten a través da Sede electrónica da Secretaría de Estado de Xustiza. Preme na ligazón para ver o video explicativo: https://www.cej-mjusticia.es/es/formacion/becas/becas2025

Tes ata o 23 de xuño para solicitar a túa bolsa

Accede ao trámite: https://sede2.mjusticia.gob.es/login/index/idp/61

CONSELLERÍA DE EDUCACIÓN, CIENCIA, UNIVERSIDADES E FORMACIÓN PROFESIONAL

ORDE do 22 de maio de 2025 pola que se establecen as bases reguladoras e se procede á convocatoria de bolsas destinadas ao alumnado das universidades públicas do Sistema universitario de Galicia que participa en programas de mobilidade con países extracomunitarios no curso 2025/26, fóra do ámbito do programa Erasmus+ (código de procedemento ED441B).

Poderá solicitar estas bolsas o alumnado universitario que cumpra os seguintes requisitos:

a) Estar matriculado no curso 2025/26 en calquera das universidades públicas do Sistema universitario Galicia, en estudos universitarios oficiais conducentes a unha titulación de grao.

b) Participar no Programa de mobilidade universitaria con autorización da universidade de orixe (universidades públicas do Sistema universitario de Galicia).

c) Que a mobilidade sexa realizada fóra do ámbito do programa Erasmus+.

d) Non ter desfrutado desta bolsa de mobilidade en convocatorias anteriores.

O programa de mobilidade para o que se solicita a bolsa será realizado durante o curso académico 2025/26.

As axudas concederanse para estadías dun mínimo de tres (3) meses completos. A dotación económica asignada a cada persoa beneficiaria será de 1.700 euros para intercambios realizados en Europa e de 2.500 euros para o resto do mundo.

O prazo de presentación de solicitudes será dun mes, contado desde o día seguinte ao da publicación desta convocatoria no Diario Oficial de Galicia.

https://www.xunta.gal/dog/Publicados/2025/20250606/AnuncioG0761-220525-0004_gl.pdf

CONSELLERÍA DE CULTURA, LINGUA E XUVENTUDE

ORDE do 21 de maio de 2025 pola que se establecen as bases reguladoras para a concesión de prazas e bolsas nas residencias xuvenís dependentes desta consellería (códigos de procedemento BS303B, BS303C e BS303D).

As modalidades de adxudicación de prazas establecidas nesta orde regularanse a través dos seguintes procedementos:

a) BS303B: prazas en residencias xuvenís para estudantes.

b) BS303C: prazas en residencias xuvenís para persoas estudantes colaboradoras bolseiras.

c) BS303D: prazas en residencias xuvenís para persoas traballadoras.

Prazas que se convocarán por procedemento e residencias

As residencias que entran no ámbito de aplicación destas bases reguladoras son:

a) Centro Residencial Xuvenil (Lugo).

b) Residencia Xuvenil Florentino López Cuevillas (Ourense).

c) Residencia Xuvenil Altamar (Vigo).

O período máximo de estadía na residencia xuvenil de todas as persoas residentes será de 11 meses e estará comprendido no período establecido para cada curso académico, coa excepción dos períodos de vacacións de Nadal e Semana Santa. En todo caso, as persoas residentes deberán abandonar as residencias, como prazo máximo, o 31 de xullo do curso académico.

O prazo de presentación de solicitudes será dun mes desde o día seguinte ao da publicación da convocatoria no Diario Oficial de Galicia.

https://www.xunta.gal/dog/Publicados/2025/20250604/AnuncioG0766-220525-0001_gl.pdf

CONSELLERÍA DE EDUCACIÓN, CIENCIA, UNIVERSIDADES E FORMACIÓN PROFESIONAL

ORDE do 27 de maio de 2025 pola que se establecen as bases reguladoras e se convocan os premios extraordinarios de bacharelato correspondentes ao curso 2024/25 (código de procedemento ED311A).

Poderanse conceder ata un máximo de 20 premios extraordinarios.

A dotación para os premios será de 20.000 € con cargo á aplicación orzamentaria 07.03.423A.480.1 da consellería que convoca, dos orzamentos do ano 2025, que se distribuirán entre as persoas premiadas na mesma contía, e que non poderá exceder os 1.000 € por premio.

Poderá presentarse á proba PEB o alumnado que cumpra os seguintes requisitos:

a) Ter rematado e superado os estudos de bacharelato no curso 2024/25 nun centro docente da Comunidade Autónoma de Galicia, seguindo o currículo oficial vixente nesta, ben na modalidade presencial ou na modalidade a distancia, e ser proposto para o título na convocatoria ordinaria do dito curso.

b) Ter acadado nas cualificacións do conxunto dos dous cursos de calquera das modalidades de bacharelato unha nota media igual ou superior a 8,75. Esta nota referirase á media normalizada, calculada sen ter en conta a cualificación das ensinanzas de relixión, co fin de garantir o principio de igualdade e a libre concorrencia entre todo o alumnado. A nota media calcularase de acordo co establecido no artigo 31.3 da Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa (DOG núm. 111, do 13 de xuño).

Prazo de presentación de solicitudes

1. Na primeira fase, matrícula na proba PEB, o prazo de presentación de solicitudes será de cinco (5) días hábiles contados desde o día seguinte á publicación desta orde.

2. Na segunda fase, solicitude para optar á subvención do premio extraordinario de bacharelato, o prazo de presentación de solicitudes será dun (1) mes a partir do día seguinte da publicación das listaxes de cualificacións definitivas da proba PEB.

https://www.xunta.gal/dog/Publicados/2025/20250603/AnuncioG0761-270525-0004_gl.pdf

CONSELLO DA CULTURA GALEGA

RESOLUCIÓN do 8 de maio de 2025 pola que se aproban as bases que rexerán a convocatoria pública de catro bolsas de colaboración en proxectos de investigación que se están a desenvolver nesta entidade e se anuncia a súa convocatoria (código de procedemento PR970B)

As bolsas darán comezo coa incorporación da persoa seleccionada, tal e como dispón a base décimo cuarta desta convocatoria. A data estimada de comezo é o 1 de setembro de 2025 e rematarán, en calquera caso, o 31 de agosto de 2026; terán unha duración máxima de doce (12) meses.

A contía das bolsas, por todos os conceptos, será de 1.250 euros mensuais.

O prazo de presentación de solicitudes e da documentación sinalada na base sexta será de un (1) mes contado a partir do día seguinte ao da publicación desta convocatoria no Diario Oficial de Galicia

https://www.xunta.gal/dog/Publicados/2025/20250522/AnuncioO111-090525-0001_gl.pdf